Një 36-vjeçar është plagosur me thikë këtë mbrëmje në qytetin e Pogradecit.
Policia bën me dije se 36-vjeçari me inicialet M.T., u qëllua me mjet prerës nga L.O., i cili është shpallur në kërkim.
Shkaqet dhe rrethanat e ngjarjes janë ende të paqarta ndërsa autoritetet kanë nisur hetimet për të zbardhur krimin.
Aktualisht 36-vjeçari i plagosur ndodhet në spital ku po merr ndihmë mjekësore.
Njoftimi i Policisë
Në lagjen nr 3, rreth orës 20.20, gjatë një konflikti fizik, shtetasi L. O, dyshohet se ka dëmtuar me mjet prerës shtetasin M. T., 36 vjeç, i cili është dërguar në spital për ndihmë mjeksore. Shërbimet e Policisë vijojnë kontrollet për kapjen e shtetasit L. O. Grupi hetimor nën drejtimin e Prokurorisë po punon për sqarimin e rrethanave dhe dokumentimin ligjor të rastit.
