Një ngjarje e rëndë është shënuar mbrëmjen e sotme në Tiranë. Rreth orës 19:10, një shtetas rreth 27 vjeç, i identifikuar si J. A., është vetëparaqitur në spital për ndihmë mjekësore, duke qenë i plagosur me armë zjarri.
Ngjarja dyshohet të ketë ndodhur në zonën e Freskut, ndërsa aktualisht i riu ndodhet nën kujdesin e mjekëve. Nuk dihet ende gjendja e tij shëndetësore.
Policia dhe grupi hetimor kanë nisur hetimet për zbardhjen e plotë të rrethanave të ngjarjes, ndërsa po punojnë për dokumentimin ligjor të rastit.
