Pasi profesori Pëllumb Pilinçi prezantoi nga Vlora ‘qivirinë e tij në hije’, tashmë ka filluar të shpërndajë videomesazhe për ndërkombëtarët. Dhe jo për ndërkombëtarë ‘do si do’, por për presidentin e ShBA-ve Donald Trump.
Përmes një videoje, Pilinçi i bën thirrje Trump të deklarojë se vajza e tij, Ivanka dhe dhëndri Jared Kushneri nuk kanë punë në tokën shqiptare. Madje në mesazhin e tij, Pilinçi shprehet se presidenti amerikan është bërë më vonë se ai republikan, dhe dhëndri i tij s’ka para sa profesori.
Deri më tani, Trump nuk i ka kthyer ende përgjigje Pilinçit, pasi ka qenë i zënë me çështjen e Ukrainës duke zhvilluar takime me liderët evropianë, homologun e tij ukrainas Volodymyr Zelenksyy dhe atë rus, Vladimir Putin.
Mbetet për t’u parë nëse Trump do i përgjigjet deluzioneve të Pilinçit dhe dhëndri i tij, do të tërhiqet nga ishulli i Sazanit.
