Kreu i Komisionit Qendror të Zgjedhjeve, Ilirian Celibashi, në një konferencë për mediet ditën e sotme, deklaroi se zgjedhjet në pesë bashkitë e vendit (Vlorë, Berat, Mat, Tepelenë dhe Vlorë) do të zhvillohen në datën 9 nëntor, datë e dekretuar nga Presidenti Begaj. Ndërsa në Tiranë nuk do të ketë zgjedhje në këtë datë pas vendimit të Kushtetueses ditën e djeshme, e cila unanimisht vendosi të pezullonte dekretin e Kreut të Shtetit.
Celibashi: Që do të thotë në datën 9 nëntor është e sigurt që do të zhvillohen zgjedhjet për 5 bashkitë e tjera, përjashto Tiranën. Bashkia e Vlorës, Beratit, Tepelenës, Cërrikut dhe Matit… Kjo është situata.
Kryekomisioneri tha se KQZ nuk do të ndërmarrë asnjë veprim në lidhje me procesin zgjedhor për Bashkinë e Tiranës, për shkak të vendimit të Gjykatës Kushtetuese. Sipas Celibashit, çdo veprim në këtë fazë do të përbënte shkelje të Kushtetutës dhe Kodit Zgjedhor. Ai theksoi se KQZ do të respektojë në çdo rast vendimin përfundimtar të Gjykatës Kushtetuese lidhur me ankimimin e bërë nga Erion Veliaj për shkarkimin e tij.
Celibashi: Mendoj për këdo është e qartë që në momentin që Kushtetuesja pezullon për atë pjesë të drektetit të Begaj është sikur ai dekret të mos ekzistojë përkohësisht në një lloj mënyre. Dhe do të ishim në thyrje të Kushtetutës, në shkelje të Kodit Zgjedhor nëse KQZ do të vazhdonte me procesin përgatitor të zgjedhjeve për Bashkinë e Tiranës. Ndaj e thashë që në krye të herës bazuar në vendimin e Gjykatës Kushtetuese do të duhet ta respektojmë vendimin e saj. Në gjykimin tim është e qartë, KQZ nuk mund të kryejë asnjë lloj veprimi që lidhet me procesin zgjedhor në Bashkinë e Tiranës. Është çështje në dorën e Kushtetutes për të vendosur lidhur me akimimin që është bërë nga zoti Veliaj në lidhje me vendimin për shkakrimin e tij. Do të vendosë Gjyakta Kushtetuese mbi këtë çështje dhe më pas do të shohim për më tej, por kjo është e sigurt KQZ nuk po bën asnjë veprimtari që lidhet me procesin zzgjedhor për Bashkinë e Tiranës për zgjedhjet në 9 nëntor kjo për shkak të vendimit të Kushtetuteses.
