Ambasadori i Ukrainës në Shqipëri, Volodymyr Shukrov, ka pësuar një infarkt gjatë një vizite private në Voskopojë të Korçës.
Fillimisht, ai u dërgua me urgjencë në spitalin e Korçës, ku mori ndihmën e parë mjekësore. Burime shëndetësore konfirmojnë se gjendja e tij paraqitet e qëndrueshme, megjithatë, për mjekim më të specializuar është transportuar menjëherë me helikopter drejt Tiranës.
Sipas informacioneve paraprake, Shukrov nuk kishte ndonjë angazhim zyrtar në qarkun e Korçës. Ai ndodhej në Voskopojë së bashku me bashkëshorten e tij, në një vizitë turistike.
