Një peshk ton i jashtëzakonshëm, me peshë 276 kg dhe madhësi të krahasueshme me një motoçikletë, është shitur për më shumë se 1 milion paund në një ankand të njohur në Tokio. Peshku u ble për 207 milionë jen (rreth 1.05 milion paund) në tregun e famshëm të peshkut Toyosu, duke shënuar vlerën e dytë më të lartë të paguar ndonjëherë në këtë ngjarje vjetore.
Oferta fituese u bë nga Onodera Group, një grup restorantesh japoneze të njohura me Michelin Star, çmimi më prestigjioz për restorantet. Ky pesh do të shërbehet në disa nga restorantet e grupit të vendosura në të gjithë Japoninë.
Rekordi i çmimit më të lartë për një peshk ton mbetet i paprekur nga ky ankand. Ai i takon vitit 2019, kur pronari i restorantit Kiyoshi Kimura pagoi 1.7 milion paund për një peshk ton 278 kg.
Po ashtu, ankandi i këtij viti ka regjistruar edhe një tjetër rekord: rreth 350 gram iriq deti “Hokkaido” janë shitur për 35,500 paund, duke tërhequr vëmendjen e pasionuarve të gastronomisë për produkteve të shtrenjta dhe ekskluzive.
Ky ankand vjetor është një ngjarje e rëndësishme për industrinë e peshkut në Japoninë, ku shijet dhe kërkesa për cilësi të lartë shpesh çojnë në çmime astronomike për produktet më të kërkuara, si peshku ton.
