Një tragjedi e rëndë ka ndodhur në Tajvanin lindor, ku të paktën 14 persona kanë humbur jetën dhe rreth 30 të tjerë janë të zhdukur si pasojë e një rrëshqitjeje dheu që shkatërroi një argjinaturë natyrore lumi, duke shkaktuar përmbytje masive.
Rrëshqitja ndodhi të martën, gjatë ciklonit të fuqishëm, tajfunit Ragasa, i cili goditi ishullin dhe shkaktoi daljen e një lumi, duke bllokuar qindra banorë.
Në Qarkun Hualien, nga rreth 8,500 banorë, 60% e popullsisë, ose rreth 5,200 persona, zgjodhën të evakuoheshin në mënyrë të sigurta duke shkuar në katet më të larta të shtëpive të tyre. Shumica e të tjerëve u larguan nga zona për t’u strehuar te familjet e tyre, sipas të dhënave nga qeveria.
Autoritetet kineze ndërkohë po paralajmërojnë për valë stuhish që mund të arrijnë deri në pesë metra të larta, me rreth 370,000 persona të evakuuar deri tani në provincën Guangdong. Situata është vlerësuar si “katastrofike”.
Në Hong Kong, qytetarët po përgatiteshin për përmbytjet duke boshatisur raftet e supermarketeve nga produktet e nevojshme si buka, perimet, mishi dhe makaronat.
Tajfuni Ragasa, i quajtur “Mbreti i Stuhive” nga agjencia meteorologjike e Kinës, është një nga tajfunët më të fuqishëm të këtij viti, me erëra që arrijnë deri në 220 km/h.
Ai ka goditur gjithashtu Filipinet veriore, duke shkaktuar vdekjen e të paktën një personi dhe duke evakuuar mijëra familje përpara stuhisë. Mbyllje të shkollave dhe zyrave qeveritare janë shpallur në shumë zona, përfshirë kryeqytetin Manila.
Ragasa pritet të vazhdojë drejt Vietnamit verior në ditët në vijim, duke prekur mundësisht miliona njerëz. Situata është e rëndë dhe autoritetet vazhdojnë të monitorojnë situatën për të siguruar sigurinë e banorëve të prekur.
