Ka përfunduar mbledhja e drejtuesve të Bashkisë së Tiranës dhe deputetëve të zgjedhur të qarkut me kryeministrin Edi Rama.Gjatë mbledhjes, Rama vendosi theksin tek lirimi i hapësirave publike si dhe paralajmëroi masa të reja ligjore për kontrollin mbi territorin. Kryeministri foli me ton të ashpër përsa i përket të gjithë atyre që kanë abuzuar me shtetin dhe ligjin, përfshirë këtu dhe zyrtarët shtetërorë.
Ndër të tjera sipas asaj që raportohet për mediat, nga mbledhja me dyer të mbyllura Rama ka kërkuar që “skuadrës” së nënkryetarëve të Bashkisë së Tiranës, t’i bashkohet dhe një tjetër, duke e çuar numrin e tyre në 5, me qëllim ristrukturimin e institucionit. Burimet kanë bërë me dije se kryeministri Rama gjithashtu ka ngarkuar me detyrën e dixhitalizimit të Bashkisë, kryetaren e komanduar Anuela Ristani.
Ndërkohë pak më parë, gazetari Ervin Koçi pasqyroi një tjetër realitet duke u shprehur se Rama ka kërkuar dorëheqjen e Ristanit dhe të gjithë nënkryetarëve të tjerë.
