Ish-kandidati i opozitës për Bashkinë e Himarës, Petro Gjikuria, ka ngritur një padi në SPAK ndaj Dasho Veizaj, të riut socialist që u bë i njohur për fjalimin e tij në një konventë rinore të PS.
Gjikuria ka akuzuar Veizajn për zhvendosje të paligjshme të gjendjes së tij civile si votues në Himarë, duke theksuar se qindra persona, përfshirë edhe familjen e tij, u zhvendosën në mënyrë të paligjshme për të mbështetur Vangjel Tavon në zgjedhjet e parakohëshme.
Gjikuria argumenton se, duke qenë se Veizaj ka deklaruar se ka lindur dhe është rritur në Lushnjë, ka dyshime të arsyeshme se transferimi i tij në Himarë është bërë në shkelje të ligjit, duke përdorur dokumente të falsifikuara për të vërtetuar vendbanimin e tij atje dhe për të mbështetur kandidatin e Partisë Socialiste.
Gjikuria kërkon gjithashtu nga SPAK informacion në lidhje me trajtimin e padive të tij të mëparshme.
