Armëpushimi 30-orësh i shpallur nga presidenti rus Vladimir Putin me rastin e Pashkëve përfundoi në mesnatë, pa u zgjatur. Gjatë kësaj periudhe, të dyja palët raportuan për viktima dhe përplasje.
Presidenti ukrainas Volodymyr Zelensky deklaroi se Rusia kreu 59 bombardime dhe pesë sulme në disa zona të vijës së frontit, duke tentuar të krijojë iluzionin e një qetësie, ndërkohë që në disa pjesë vijonte përpjekjet ushtarake.
Zelensky theksoi se bombardimet dhe përdorimi i dronëve kamikazë u shtuan gjatë ditës, dhe akuzoi Rusinë për mbi 2000 shkelje të armëpushimit. Ai shtoi se, megjithatë, nuk pati sulme ajrore gjatë ditës. Presidenti ukrainas propozoi zgjatjen e armëpushimit për të ndaluar sulmet ndaj infrastrukturës civile me dronë dhe raketa për 30 ditë.
Nga ana tjetër, presidenti amerikan Donald Trump u shpreh optimist, duke thënë se një marrëveshje për armëpushim mes Rusisë dhe Ukrainës mund të arrihet brenda kësaj jave.
