Shtetet e Bashkuara kanë bërë një ndryshim të dukshëm në strategjinë e mbrojtjes kombëtare, duke e vendosur sigurinë e atdheut si prioritetin kryesor, përpara shqetësimeve për një kërcënim nga Kina. Sipas raportit të ri të Pentagonit, mbështetja për aleatët do të jetë “më e limituar”, dhe fokusi do të jetë në mbrojtjen e interesave amerikane në Hemisferën Perëndimore, të cilat tani konsiderohen më prioritare se kërcënimet globale.
Megjithëse strategjia e re, e cila mbulon 34 faqe, është e ndryshme nga ato të mëparshme që e konsideronin Kinën dhe Rusinë si kërcënime kryesore, ajo thekson nevojën për më shumë angazhim nga aleatët amerikanë. Raporti sugjeron se partnerët, veçanërisht ata evropianë, shpesh kanë qënë të kënaqur duke u mbështetur në ndihmën ushtarake të SHBA-ve për të përballuar kërcënimet që ata përballen. Pentagon gjithashtu sqaron se ky ndryshim strategjik nuk duhet interpretuar si një lëvizje drejt izoalizmit, por si një qasje më të fokusuar dhe strategjike.
Marrëdhëniet me Rusinë përshkruhen si një “kërcënim të vazhdueshëm por të menaxhueshëm”, sidomos pas pushtimit të Ukrainës. Në lidhje me Kinën, strategjia thekson qasjen me “forcë, jo përballje”, dhe synon të parandalojë dominimin e saj përmes forcave ushtarake dhe tregtare amerikane.
Përveç asaj, strategjia sugjeron se Koreja e Jugut është në gjendje të marrë përgjegjësinë kryesore për ndalimin e agresionit nga Koreja e Veriut, duke ulur kështu rolin e SHBA-së në këtë çështje. Raporti shpreh një ndjesi ndryshimi në strategjitë e mëparshme, duke theksuar se administrata Trump do të jetë “thelbësisht ndryshe” nga ato që kishin ekzistuar pas Luftës së Ftohtë.
Për më tepër, Trump ka kritikuar Naton si një organizatë nga e cila SHBA-të nuk kanë përfituar asgjë dhe është shprehur se vendi paguan pjesën më të madhe të kostove. Kryeministri kanadez, Mark Carney, dhe presidenti francez, Emmanuel Macron, kanë sinjalizuar gjithashtu nevojën për një qasje më të coordinuar midis fuqive të mesme përballë këtyre ndryshimeve globale.
