Një tërmet i mundshëm në Serie A me Napolin që rrezikon heqje pikësh në renditje. Historia nuk ka nevojë të thuhet është ajo që lidhet me blerjen e Victor Osimhen, e cila përfundoi nën hetimin e Prokurorisë së Romës, por edhe asaj federale.
Operacioni me Lille, veçanërisht përfshirja e katër lojtarëve si kompensim me vlerë rreth 20 milionë (Liguori, Manzo, Palmieri dhe Karnezis), shkaktoi kontrolle nga hetuesit romanë, por edhe nga hetuesit federalë.
Në vitin 2022, Napoli u shpall i pafajshëm në sistemin e drejtësisë sportive për të njëjtin incident dhe për rrjedhojë, për të rihapur çështjen, do të duheshin elementë të rinj në dokumentet që Prokuroria e Romës i dërgoi Chiné, prokurori i FIGC.
Për momentin nuk ka asnjë lajm nga Federata, por tashmë po përflitet për aferën që po bën të dridhet klubi napolitan.
Prandaj, rasti Osimhen mund të përfaqësojë një tërmet të vërtetë për Serinë A, të paktën sipas asaj që u deklarua nga gazetari Luca Momblano gjatë QSVS në TeleLombardia:
“Ne e kuptojmë se sanksionet do të vijnë për çështjen Osimhen – fjalët e Momblano -. Zyra e Prokurorit Federal e ka mbyllur hetimin. Nga zërat që qarkullojnë, pritet edhe një dënim me heqje pikësh për Napolin”.
Megjithatë, do të duhet të presim opinionin e Prokurorisë së FIGC-së dhe hapat që do të çonin në rihapjen e çështjes. Chinè duhet të kërkojë që vendimi i vitit 2022 të revokohet, kështu që gjyqi sportiv do të duhet të mbahet përpara çdo dënimi të mundshëm.
