Gjykata Kushtetuese ka rrëzuar kërkesën e Partisë Demokratike për mandatin e deputetit socialist, Vullnet Sinaj. PD kërkoi papajtueshmërinë e mandatit, duke e akuzuar se përmes bizneseve ka përfituar 36 mijë euro nga buxheti i shtetit.
Kërkesa u dërgua më 5 mars 2025, është firmosur nga 14 deputetë të opozitës, të cilët mes tjerash kërkojnë zgjidhjen e konfliktit të kompetencave mes Kuvendit të Shqipërisë dhe subjektit kushtetues në konflikt.
Kjo kërkesë vjen pasi më 30 janar në Kuvend u votua kundër dërgimit për interpretim në Gjykatën Kushtetuese të mandatit të deputetit Vullnet Sinaj. Po ashtu kërkohet që ky vendim të shpallet i paligjshëm.
