Humbja e rëndë që po përjeton Partia Demokratike në disa qarqe të vendit po ndikon drejtpërdrejt edhe te përfaqësimi i saj në listat e mbyllura të deputetëve.
Sipas të dhënave të fundit nga KQZ, në tre qarqe Elbasan, Fier dhe Vlorë, PD-ja nuk ka arritur të sigurojë as numrin e mandateve të parashikuara në listën e saj të mbyllur.
Në Elbasan, ku lista përfshin 5 mandate, i pesti Aurel Bylykbashi nuk ka arritur të fitojë një vend në Parlament. E njëjta situatë është edhe në Fier, ku nga 5 kandidatë në listën e mbyllur, vetëm 4 kanë siguruar mandate, duke e lënë jashtë Kuvendit Eduart Sharkën.
