Dy forcat politike kryersore, PD dhe PS, do të mbledhin ditën e nesërme grupet parlamentare. Këto mbledhje vijnë një ditë para seancën së parë në Kuvend, ku do të nisë Legjislatura e XI, e dalë nga zgjedhjet e 11 majit.
Deputetët demokratë do ta mbajnë mbledhjen në orën 13:00, teksa ditën e sotme u mblodh edhe Kryesia e PD-së.
“Përshëndetje miq. Nesër ne ora 13:00 zhvillojmë mbledhjen e parë të grupit parlamentar në selinë e Partisë Demokratike. Ju lutem merrni masa për pjesëmarrje”, thuhet në njoftim.
Burime bëjnë me dije se rreth të njëjtës orë pritet të mblidhet edhe grupi parlamentar i Partisë Socialistë, ku i pranishëm pritet të jetë edhe Edi Rama.
Mbledhja parashikohet të mbahet menjëherë pas përfundimit të Asamblesë Kombëtare Socialiste, teksa kjo do të jetë hera e parë kur të 83 deputetët socialist dalë nga 11 Maji do të ulen të gjithë bashkë për të marrë direktiva nga Edi Rama.
Po ashtu, ditën e nesërme ata do të mësojnë edhe se kush do të jetë kreu i grupit parlamentar.
