*Foto ilustruese
Policia greke ka nisur hetimet për të identifikuar dhe ndaluar një grua 39-vjeçare, e dyshuar për grabitjen e një të moshuare në zonën e Aigios.
Sipas kallëzimit të bërë nga fëmijët e viktimës, një 90-vjeçare për të cilën punonte si kujdestare shtëpiake, dyshohet se pastruesja ka tërhequr në mënyrë të paligjshme një pjesë të shumës prej 30,000 eurosh nga llogaria bankare e të moshuarës.
Gruaja e dyshuar kujdesej jo vetëm për të moshuarën, por edhe për njërin nga djemtë e saj, i cili vuan nga probleme shëndetësore.
“Sipas një kallëzimi penal të ngritur nga Policia e Aigialeas, është identifikuar një shtetase greke, e akuzuar për mashtrim. Nga hetimet paraprake rezulton se, në periudhën maj 2024 – janar 2025, ajo ka përvetësuar kodet e kartave bankare të familjarëve dhe ka kryer në mënyrë të përsëritur tërheqje parash, duke përfituar në total shumën prej 30,000 eurosh”, thuhet në deklaratën e autoriteteve greke.
