Reperi i njohur Noizy, emri i vërtetë i të cilit është Rigels Rajku, ka njoftuar se nuk do të jetë prezent në turneun e tij në SHBA për shkak të problemeve me vizat. Kjo ndodh pas një incidenti të dhunshëm ku ai u përfshi me influencuesin e njohur në TikTok, Medi Iseni, më 2 gusht në Pejë. Pas ngjarjes, Noizy u arratis nga Kosova, por u arrestua pesë ditë më vonë në Shqipëri.
Pas një periudhe në burg, ai u liroi më 16 gusht pas ofrimit të një garancie prej 50 mijë eurosh. Megjithatë, ai përballet me akuzat që e rëndojnë, duke e bërë të pamundur hyrjen në SHBA. Këtë e konfirmoi vetë ai në një postim në rrjetet sociale, ku shprehu keqardhjen për mosmarrjen pjesë në turneun e Amerikës dhe shpresën për të qenë së shpejti pranë fansave të tij.
“Me keqardhje ju njoftoj se nuk do jem prezent në turneun e Amerikës këtë rradhë, problemi ishte tek vizat. Gjithsesi uroj që shumë shpejt të jem pranë jush”, ka shkruar ai.
Ndërkohë, Arkimed Lushaj, i njohur si Stresi, vazhdon të jetë në arrati për të njëjtin rast. Situata ka sjellë reagime të shumta në media dhe në rrethet sociale, duke i dhënë një vëmendje të madhe problemeve të dhunës dhe pasojave ligjore për individët e njohur.
