Ish-kreu i Bandës së Durrësit, Lulzim Berisha pritet që të ekstradohet në Shqipëri. Burime për mediat bëjnë me dije se pas më shumë se një viti që nga arrestimi i tij në tokën spanjolle, këtë të martë Lul Berisha do të ekstradohet në atdhe me qëllim për të shlyer dënimin për llogari të drejtësisë shqiptare.
I shumëkërkuari dhe i cilësuar si person më rrezikshmëri të lartë, Lulzim Berisha u arrestua në dhjetor të vitit 2023 nga policia spanjolle. Asokohe Policia e shtetit njoftoi se Berisha, ish kreu i bandës së Durrësit dhe një ndër kriminelët më të rrezikshëm u kap nga autoritetet spanjolle, në kuadër të operacionit të përbashkët “Sant Joan” mes policisë shqiptare dhe asaj spanjolle.
