Pas një pauze disa mujore, një prej këngëve më ikonike për tifozët kuqezi është rikthyer në shkallët e “Arenës Kombëtare”. “Mora fjalë”, kënga që u bë himni i kombëtares gjatë kualifikueseve për Euro 2024, u këndua sërish në stadium para ndeshjes Shqipëri – Andorrë, duke emocionuar tifozët dhe rikthyer atmosferën elektrizuese.
Për muaj të tërë, mungesa e kësaj kënge krijoi polemika mes tifozëve dhe FSHF-së, por tashmë rikthimi i saj është pritur me entuziazëm të madh. Nga shkallët e stadiumit deri në rrjetet sociale, të gjithë e kanë një mendim: ky himn nuk mund të mungojë! Dhe fitorja 3-0 e Shqipërisë kundër Andorrës mbrëmjen e djeshme, e provon këtë më së miri!
