Marius Dervishi, i njohur ndryshe si Zebërvoki ka folur për eksperiemcën e shkurtër në shtëpinë e madhe të Big Brother Vip.Ai ka treguar se menjëherë pas daljes ka takuar familjen, miq dhe kolegë që i kishin munguar gjatë izolimit në BBV4.
Ndër të tjera Zebërvoki ka folur dhe për punën si polic dhe rrogën nga ky profesion, ku tha se 650 mijë lekë nuk mjaftojnë për karburant dhe cigare.
Ai u shpreh se nëse do të mbetej vetëm te ajo rrogë i bie që të “vdisnin për bukë”.
“Nga puna si polic normal, se kemi rrogë shumë të mirë, 650 mijë lek. Sigurisht që ishte ironi. Nëse ka diçka që më mban këtu është pasioni im për punën. E kam lobuar në shumë situata në shtëpi se çfarë vështirësie ka ky profesion. Rroga nuk del as për karburant dhe cigare. Unë jam familjar, jam unë dhe partnerja ime që punojmë, nëna dhe babai jo. Nëse do kisha ngelur tek rroga e policisë do kisha vdekur për bukë”, u shpreh ai ndër të tjera në rogramin “Live From Tirana”.
