Drejtori i Komunikimit në Partinë Demokratike, Alfred Lela, ka thënë se protesta që u mbajt mbrëmjen e sotme në disa akse rrugore do të vijojë me përshkallëzim.
Sipas tij, një prej planeve është edhe mbajtja e protestave në fshatin Surrel, aty ku ka shtëpinë kryeministri Edi Rama.
“Është në menynë e opsioneve të Partisë Demokratike dhe opozitës edhe vajtja në Surrel. Ka qenë është dhe do të jetë. Se kur e ka kohën nuk e di,” tha ai.
Kujtojmë se në mosbiindjen civile që kishin thërritur sot, përfaqësues të opozitës bashkë me mbështetës të tyre, bllokuan akset kryesore të vendit duke paralizuar qarkullimin e automjeteve për disa orë.
Për këto ngjarje policia ka shoqëruar disa persona.
