Partizani ka vendosur për trajnerin e ri: Mlladen Milinkoviç do të marrë drejtimin e skuadrës për sezonin e ri.
Tekniku serb ka qenë prej disa ditësh në bisedime me klubin e kuq dhe është përzgjedhur si kandidatura më e përshtatshme, falë eksperiencës së tij në futbollin shqiptar, ku më parë ka drejtuar Luftëtarin dhe Kukësin.
Përveç përvojës në Shqipëri, Milinkoviç vjen me një CV të pasur suksesi, veçanërisht me ekipin e Buduçnostit në Malin e Zi, me të cilin është shpallur kampion.
Aktualisht ai ndodhet në Tiranë për të finalizuar marrëveshjen me drejtuesit e Partizanit dhe zyrtarizimi i tij pritet të ndodhë së shpejti.
