Partizani triumfoi 2–0 ndaj Tiranës në Derbin e 211-të të kryeqytetit, duke marrë një fitore me peshë në kampionat. “Demat” e vendosën ndeshjen që në pjesën e parë, me dy goditje të shpejta që i dhanë avantazh të qartë dhe qetësi në menaxhimin e rezultatit.
Goli i parë erdhi në minutën e 26’ me Sidibe, ndërsa vetëm 11 minuta më pas, në 37’, Isgandarli dyfishoi shifrat dhe i dha Partizanit kontrollin e plotë të derbit. Tirana u përpoq të reagonte, por nuk arriti të gjente rrugën e golit dhe u ndal nga organizimi i mirë i Partizanit.
Ndeshja pati edhe tension e kartonë, ndërsa pjesa e dytë u menaxhua me ndërhyrje taktike dhe zëvendësime nga të dyja skuadrat. Në fund, Partizani merr 3 pikë të arta dhe mbizotëron derbin e kryeqytetit me një fitore të pastër.
