Partia Socialiste hap zyrtarisht fushatën elektorale për zgjedhjet e 11 majit ditën e sotme. Nën moton “Shqipëria 2030 në BE!
Data e sotme është zgjedhur për shkak të simbolikës së 12 yjeve në flamurin e BE-së, që është edhe fokusi i fushatës së kryeministrit Rama, pra integrimi në Bashkimin Europian. Ideja e sloganit është premtimi për të ecur para drejt integrimit në BE, drejt pasaportës europiane, drejt zhvillimit perëndimor, që ka qenë fokusi në takimet që Edi Rama ka zhvilluar gjatë muajit prill.
Drejtuesi politik i qarkut të Dibrës, Blendi Klosi, mbajti fjalën i pari në hapjen e fushatës së PS. Gjatë fjalës së tij Klosi tha se PS do të merrë 1 mln vota. Ndër të tjera klosi tha se Rama e transformoi Shqipërinë në një vend që do të hyjë në BE.
Pas qarkut të Dibrës, i cili hapi dhe fushatën elektorale, ka ardhur qarku i Fierit.
Në prezantimin e qarkut të Fierit, PS-ja ka marrë grupin muzikor elitë të Fierit, ‘Free Mc’, të cilët kanë kënduar këngën ‘Vish Fustanin me Toka’.
Pas qarkut të Fierit dhe Dibrës, në sheshin Skëndërbej është prezantuar qarku i Kukësit.
Në prezantimin e këtij qarku, është vendosur ‘vallja e Kukësit’ dhe disa vallëtarë kanë marrë vallen.
