Pasditen e sotme, Partia “Mundësia” e drejtuar nga Agron Shehaj ka çelur zyrtarisht fushatën elektorale për zgjedhjet parlamentare të 11 Majit. Shehaj, me kandidatët dhe me qindra mbështetës u mblodhën këtë të diel në ambientet e Pallatit të Kongreseve për të hapur këtë fushatë e cila sipas tyre do të kurorëzohet me fitore më 11 Maj.
Ky aktivitet është zhvilluar në përfundim të një turi me autobus, ku përshkuan qytete të ndryshme të vendit, nga Shkodra në Sarandë, duke sjellë një qasje të re në komunikim publik.
Mes duartrokitjeve të së rinjve dhe qytetarëve të “etur” për një Shqipëri më të drejtë, fjalën e mori kandidati për deputet, Erald Kapri. Gjatë fjalës së tij, Kapri e quajti “Mundësinë”, jo vetëm një parti, por një projekt të madh që kërkon të riktheje te qytetarët shqiptarë shpresën, lirinë dhe dinjitetin.
Ai nënvizoi se për herë të parë pas viteve ’90, shqiptarët kanë një mundësi, jo për të ndërruar karrige, por për të shkundur nga themelet sistemin që i ka mbajtur peng.
“Në fakt sot po përjetojmë një moment që do ta mbajmë gjatë në memorie. Jo vetëm sepse që nga vitet 90 kemi pritur për një Shqipëri normale kur jetuam në një Shqipëri të kapur. Dhe sot për herë të parë pas kaq shumë vitesh e ke mi një Mundësi., Një mundësi jo thjesht për të ndryshuar një pushtet me një tjetër, por të për të pasur një qeverisje të pakorruptuar”, tha Kapri duke theksuar me të madhe se ka ardhur koha e të ndershmërve, ka ardhur koha për t’i rikthyer shqiptarëve pushtetin.
E teksa më tej ai u shpreh optimist se shqiptarët, në parlamentin e ardhshëm nuk do ta lënë vetëm Agron Shehajn, por do të jenë shumë që do të refuzojnë dhe kundërshtojnë me të madhe padrejtësitë që u janë bërë shqiptarëve.
“Të puthshim duart pra. Ishe ëmbëlsia e këtij takimi. E mrekullueshme. Dhe në fakt mirë se keni ardhur në fushatën më të bukur në Shqipëri. Nuk do gjeni fushatë më të vërtetë me njerëz të vërtetë si këtu, si Shazo. Faleminderit që ke ardhur. Në fakt sot po përjetojmë një moment që do ta mbajmë gjatë në memorie. Jo vetëm sepse që nga vitet 90 kemi pritur për një Shqipëri normale kur jetuam në një Shqipëri të kapur. Dhe sot për herë të parë pas kaq shumë vitesh e ke mi një Mundësi.
Një mundësi jo thjesht për të ndryshuar një pusthet me nëj tjetër, por të për të pasur një qeverisje të pakorruptuar. Dhe unë ndaj jam sot këtu sepse po e ndjej dhe kësaj radhe ne duhet të jemi gati dhe nuk duhet të bëjmë asnjë gabim të së shkuarës. Kem iqenë dëshmitarë se si shpresat tona janë tradhtuar, ata që na premtuan ndryshimin u bënë pjesë e të njëjti sistem. Partia Mundësia nuk është thjesht një parti por një projekt për një sistem të ri politik dhe ekonomik. Për 35 vite na kanë lodhur të njëjtat fytyra me të njëjtat premtime. Ka ardhur koha e të ndershmëve e një ndryshimi të vërtetë. Ne nuk jemi sot këtu se duam ti zëmë vendin ndonjërit por për ti rikthyer pushtetin shqiptarëve.
Na duhet një shtet që të mbështet që punon me duart e tyre, një shtet i vogël që s’të merr frymën me taksa, ku s’të duhen mik për të hapur biznes, dhe ne dimë që Shqipëria ka njerëz të shkëlqyer por që i ka mbytur sistemi dhe nuk i lënë të ecin përpara. Duam më shumë liri dhe më pak taksa dhe më shumë mundësi për të gjithë. Tani, dua të imagjinoni pak Agroni, i vetëm ka bërë një betejë të pashembullt në parlament, ka denoncuar çdo aferë, ka qenë i vetëm përballë një sistemi të tërë.
Por në parlamenti ne ardhshëm, Agroni nuk do jetë vetëm, do jemi shumë. Do të jemi të gjithë ne që nuk pajtohemi me korrupsioni dhe do luftojmë për një Shqipëri pa pengesë. Votoi Partinë Mundësinë, për veten tuaj për familjen tuaj dhe mbani mend një gjë ndryshimi dhe ardhmja nuk vijnë vetëm, por duhet të punojmë për to”, tha Kapri.
Fushata e Partisë Mundësia vjen në një kohë kur partitë kryesore, si Partia Socialiste dhe Partia Demokratike, kanë nisur gjithashtu aktivitetet e tyre elektorale. PS-ja, e drejtuar nga kryeministri Edi Rama, ka hapur fushatën me fokus te integrimi evropian, ndërsa PD-ja, nën drejtimin e Sali Berishës, ka prezantuar një ekip të ri kandidatësh dhe ka theksuar nevojën për ndryshim pas 12 vitesh opozitë.
Ndërkohë, me një qasje të drejtpërdrejtë dhe një program që synon të adresojë problemet konkrete të qytetarëve, Partia Mundësia synon të fitojë besimin e shqiptarëve dhe të sjellë një frymë të re në politikën e vendit tonë.
