Një zhvillim i fundit ka ndodhur lidhur me seancën parlamentare që do të mbahej ditën e nesërme në datën 10 tetor në Kuvend.
Sipas raportimeve, seanca është shtyrë për të premten, kjo me sa duket nga vizita e presidentit të Turqisë Rexhep Taip Erdogan. Kuvendi ka vënë në dijeni grupet parlamentare për vendimin e fundit.
Siç duket kjo lëvizje mund të ketë ardhur për të shmangur përplasjen mes opozitës dhe gardianëve të Kuvendit, pasi një numër i madh i përfaqësuesve të opozitës janë përjashtuar për shkak të djegies së karrigeve gjatë javës së shkuar. Përplasjet nuk kanë munguar nëpër komisione gjatë ditës së sotme.
Erdogan pritet që nesër të zhvillojë një takim me presidentin Bajram Begaj, kryeministrin Edi Rama me të cilin do të mbajë dhe një konferencë për mediat, më pas do të bëhet dhe inagurimi i xhamisë së Namazgjasë.
