Angelina Jolie ndaloi për të ndihmuar një burrë që u rrëzua në Paris, teksa po merrte pjesë në premierën e filmit të saj të ri, “Couture”, më 9 shkurt.
Pamjet tregojnë aktoren amerikane duke dalë nga Pathé Palace, ku një numër i madh fansash dhe fotografësh e prisnin jashtë. Në një moment, një burrë që ndodhej pranë turmës pengohet dhe bie në trotuar.
Jolie, e cila po drejtohej drejt makinës së saj, ndaloi menjëherë për ta pyetur nëse ishte mirë. Pasi u sigurua për gjendjen e tij, ajo firmosi disa autografe dhe u largua nga vendi i ngjarjes.
Aktorja ndodhej në Paris së bashku me regjisoren Alice Winocour dhe bashkëprotagonistët Louis Garrel dhe Vincent Lindon për premierën e filmit “Couture”, i cili pritet të dalë në kinema sot, më 18 shkurt.
