Deputeti i Partisë Demikratike, Dashnor Sula, nga rrethrrotullimi i Rogozhinës ka paralajmëruar se mosbindja civile do të vijojë. Në një prononcim të shkurtër për gazetarët, Sula tha se kjo protestë është vetëm fillimi dhe do të pasohet nga të tjera.
Ndër të tjera, deputeti demokrat solli si shembull Kosovën. Ai u shpreh se qeveria e kryeministrit Albin Kurti vendosi të rrisë pensionet me 20%, ndërsa vendi ynë me vetëm 4%.
“Nuk është një dëshirë e qytetarëve , por detyrim i qytetarëve se kjo mazhorancë dhe kryeminstri e ka çuar punën në këtë derexhe ku qytetarët duhet të protestojnë me të gjithë format. Është një fillim, dhe në javët në vijim reagimi do jetë edhe më i fortë. Korrupsioni është kthyer në sistem, krimi i organizuar janë në vendimmarrje politike, qendrore dhe vendore në bashkitë.
Qytetarët e thjeshtë që largohen nga të drejtat e tyre, mjafton të shikoni një krahasim të thjeshtë me republikën e Kosovës, 20% deklaroi rritjen e pensioneve deklaroi qeveria, 4% në Shqipëri. Të bësh llogari të çmimeve, dhe inflacionit e dinë sa të larta janë. Nëse preket vota, cenohet vota në demokraci gjëja e parë është vota. Protesta do vazhdojë sipas njoftimit, për 3 orë deri në orën 8. Ambulanca apo zjarrfikësit do kalojnë as që diskutohet. Deri tani nuk kemi reagim nga policia”, tha Sula.
