Gaza është e mbushur me konfuzion pas deklaratave të presidentit Trump! Askush nuk ka një ide të qartë për planin e presidentit, por palestinezët duken të vendosur për tu kthyer në vendin e tyre.
Për palestinezët, pavarësisht se çfarë mund të ndodhë, të gjithë refuzojnë idenë e zhvendosjes ose largimit nga Gaza.
Nga ana zyrtare, Autoriteti Palestinez dhe Hamasi kanë deklaruar se refuzojnë propozimin e Trump dhe po kërkojnë që vendet arabe të mbajnë një samit urgjent. Ndërkohë, në terren, njerëzit vazhdojnë të udhëtojnë drejt veriut të Gazës.
Ata janë të vetëdijshëm se Gaza është gati e shkatërruar, veçanërisht veriu, që ka pësuar një sulm të rëndë nga ushtria izraelite.
