Prokurori i SPAK në lidhje me megaoperacionin Shqipëri dhe Itali u shpreh se nga hetimet e fundit kanë zbuluar raste të ushtrimit të ndikimit të paligjshëm ndaj zyrtarëve shtetërorë.
Ai tha se janë evidentuar raste konkrete që përfshijnë dy punonjës të Policisë së Shtetit, ku njëri prej tyre mbante pozicion të rëndësishëm brenda strukturës dhe është konstatuar bashkëpunim me pjesëtarët e një grupi kriminal.
Ndërsa rasti tjetër ka të bëjë me një akt korrupsioni në Policinë Kufitare në Portin e Durrësit.
“Kemi pasur disa episode të ushtrimit të ndikimit të paligjshëm ndaj zyrtareve shtetërore. Për të cilat ne do kemi kemi edhe një hetim më të thelluar. Kemi patur dy punonjës të policisë së shtetit, njëri prej tyre në një pozicion të rëndësishëm. Në njërin rast kemi pasur bashkëpunim me pjesëtarët e grupit kriminal dhe në rastin tjetër kemi patur një rast korrupsioni në policinë kufitare të portit të Durrësit.
Sa i përket personave që janë ekzekutuar masat e sigurimit, përsa kohë janë pjesë e organizatave kriminale roli i tyre është i rëndësishëm. Janë kapur edhe organizatorët e këtyre grupeve, por për 10 prej tyre nuk janë ekzekutuar masat e sigurisë.”, tha Vladimir Mara.
