Autoritetet italaine kanë vënë në pranga 2 persona të dyshuar për trafik droge. Mësohet se njëri prej të arrestuarve është një shtetas shqiptar. Nga ky operacion bëhet me dije se janë sekuestruar mbi 5 kilogramë kokainë dhe hashash kryesisht kokainë dhe hashash, me vlerë tregu 400 mijë euro.
Mediat italiane raportojnë se efektivët pikasën fillimisht një automjet të dyshimtë dhe më pas zhvilluan kontrolle brenda saj. Mjeti po e drejtonte bashkëpunëtori i shqiptarit, një 40-vjeçar italian me precedentë penalë. Policia zbuloi një bllok hashash 100 gramë, ende i paprekur dhe i mbyllur me celofan, si dhe një shkop bejsbolli.
Hetimet vijuan më datën 3 prill ku 48-vjeçari shqiptar, teksa po dilte nga dera e godinës u kap nga policia teksa tentoi të hidhte një zarf. Brenda tij u gjetën më shumë se 2 kilogramë kokainë, nga e cila një bllok ende i mbyllur me shirit ngjitës peshonte 1 kilogram, ndërsa pjesa e mbetur u ishte ndarë në mbështjellës të ndryshëm të mbështjellë, me peshë nga 100 deri në 600 gramë dhe gati për shitje. Kontrolli i mëpasshëm i shtëpisë çoi në gjetjen e shumës së parave prej 11200 euro, si dhe gati 3 kilogramë hashash, të ndara në pako, gjithsej 28 blloqe nga afërsisht 100 gramë secila.
