Sot, Lionel Messi publikoi në Instagram një mesazh prekës lamtumire për Omar Souto, menaxherin 73-vjeçar të Kombëtares së Argjentinës, i cili ka ndërruar jetë.
“Ti ishe gjithmonë pranë meje dhe u bëre njeriu që hapi rrugën që AFA të vinte re talentin tim. Njeri i madh — i paharrueshëm për të gjithë ne që patëm fatin të ishim pjesë e kombëtares. Trashëgimia jote do të jetojë përgjithmonë. Kurrë s’do të të harrojmë, Omar. U prehsh në paqe,” – shkroi Leo.
Ishte pikërisht Omar Souto ai që e bindi Messin të luante për Argjentinën dhe jo për Spanjën, në një moment kritik të karrierës së tij.
Federata Argjentinase e Futbollit (AFA) publikoi gjithashtu një deklaratë zyrtare, duke falënderuar Souto për 30 vite shërbim besnik.
Humbje e jashtëzakonshme për gjithë futbollin argjentinas.
