Një studim i Degës Evropiane të Organizatës Botërore të Shëndetësisë i ka klasifikuar të rinjtë shqiptarë si problematikë sa i përket qëndrimit të gjatë në rrjetet sociale.
Anketa që përfshiu 280 mijë fëmijë të moshave 11-15-vjeçare në 44 vende të ndryshme të Evropës, nxorri në përfundimin se 15-vjeçarët shqiptarë, kryesisht vajza, kenë deklaruar se i përdorin rrjetet sociale në mënyrë problematike. 1 në 4 vajza deklaruan se gjatë një dite shpenzojnë më shumë se 4 orë në pajisjet elektronike.
Një fakt tjetër interesant, është se adoleshentët shqiptarë renditen të parët për kontaktin me miqtë e ngushë ose më gjerë, me anë të rrjeteve sociale online, shkruan Ilira News. Fëmijët kanë pohuar ndër të tjera se qëndrimi online u merr çdo ditë të paktën një orë.
Sipas ekspertëve të shëndetit, qëndrimi me orë të gjata në rrjetet sociale dëmton rëndë shëndetin mendor të të rinjëve, duke ndikuar dhe sjelljet e tyre. Prindërit këshillohen që t’i krijojnë fëmijëve aktivitete të tjera interesante, për t’i reduktuar orët e qëndrimit në rrjetet sociale.
