Një ngjarje e rëndë ështe regjistruar në një shkollë në Kroaci mëngjesin e kësaj të premteje, ku një nxënës ka goditur me thikë për vdekje një vajzë 7-vjeçare, ka plagosur tre fëmijë të tjerë dhe një mësues.
Sipas raportimeve sulmi ndodhi rreth orës 09:50 në ditën e fundit të mësimit para Krishtlindjeve në shkollën fillore Preçko në Zagreb. Në këtë shkollë ndjekin mësimet fëmijë nga mosha 7 deri në 15 vjeç.
“Autori i sulmit është një 19-vjeçar, ish-nxënës i asaj shkolle, që ende jeton aty pranë”, tha Ministri i Brendshëm Davor Bozinoviç. “Më pas ai filloi të godiste veten, por policia e pengoi të bënte vetëvrasje.”
Ministri Bozhinoviç tha se sulmuesi kishte probleme të shëndetit mendor dhe kishte bërë një përpjekje të mëparshme për të vrarë veten.
Sulmet në shkolla janë të rralla në Kroaci dhe në Ballkan në tërësi, megjithëse në maj të vitit 2023, një adoleshent në Serbinë hapi zjarr në një shkollë në kryeqytetin e vendit, Beograd, duke vrarë nëntë nxënës dhe një roje të shkollës.
