Një biznesmen 28-vjeçar nga Vjena, Amar Dezic, ka gjetur një mënyrë të pazakontë për të parkuar Ferrari-n e tij 300,000 euro, me 830 kuaj fuqi: e ngriti me vinç në ballkonin e apartamentit të tij në zonën Floridsdorf.
Dezic, pronar i një dyqani pjesësh këmbimi dhe një laboratori për modifikimin e makinave, kishte planifikuar edhe ndërtimin e një vitrine xhami me drita rreth supercar-it, duke e kthyer atë në atraksion.
Megjithatë, banorët e njoftuan autoritetet, dhe një javë më vonë policia kërkoi heqjen e makinës për shkak të rrezikut të lartë nga zjarri. Ferrari pritet të zbresë nga ballkoni të premten dhe të ruhet gjatë dimrit në depo të kompanisë së biznesmenit.
