Presidenti amerikan Donald Trump paralajmëroi sot Kubën se duhet të arrijë një marrëveshje me Shtetet e Bashkuara, përndryshe vendi ishullor nuk do të marrë më as naftë, as para nga Venezuela.
“Nuk do të ketë më naftë apo para që shkojnë për Kubën – zero! Sugjeroj fuqimisht që ata të bëjnë një marrëveshje para se të jetë tepër vonë”, shkroi Trump në platformën e tij sociale, Truth Social.
Trump vuri në dukje se Kuba ka mbijetuar për shumë vite falë sasive të mëdha të naftës dhe parave që vinin nga Venezuela. Venezuela është furnizuesi më i madh i naftës për Kubën, por pas arrestimit të Nicolás Maduro nga forcat amerikane, Trump po ushtron presion mbi presidenten e përkohshme të Venezuelës, Delcy Rodríguez, që nafta venezueliane të dërgohet në Shtetet e Bashkuara.
CIA vlerëson se sektorë kyç të ekonomisë kubane, si bujqësia dhe turizmi, po përballen me presion të madh për shkak të ndërprerjeve të shpeshta të energjisë, sanksioneve tregtare dhe problemeve të tjera.
Humbja e mundshme e importimeve të naftës dhe mbështetjes nga Venezuela, një aleat kyç për dekada, mund të përbëjë një goditje serioze për regjimin që drejton Kubën që nga koha e Fidel Castro-s, pas Revolucionit të vitit 1959.
Sipas të dhënave të fundit të transportit dhe dokumenteve të kompanisë shtetërore venezueliane të naftës, PDVSA, midis janarit dhe nëntorit të vitit të kaluar, Venezuela dërgoi në Kubë mesataris
