Anësori do të përballet me ish-klubin e tij.
Arsenali mposhti Bayern Munich-un dhe tani po përgatitet për sfidën e radhës në Premier League kundër Chelsea-t. Një nga protagonistët do të jetë ish-lojtari i Bluve, Noni Madueke, i cili u pyet për ndeshjen e së dielës.
Duke folur për TNT, Madueke tha se në këtë fazë është e vështirë të bësh parashikime:
“Është ndeshje mes vendit të parë dhe të dytit. Por mezi po e pres,” u shpreh ai.
“Nuk rri dot pa luajtur! Qëndron tetë javë pa gjënë që do më shumë në botë, kështu që mezi pres të jem në fushë. Vend i parë kundër vendit të dytë, ata kanë një skuadër të fortë, ne kemi një skuadër të fortë—do të jetë një ndeshje e madhe,” tha Madueke.
Ndeshja Chelsea – Arsenal do të zhvillohet në Stamford Bridge, të dielën 30 nëntor, në orën 17:30.
Arsenali kryeson kampionatin me 29 pikë, ndërsa Chelsea ndodhet në vend të dytë me 23 pikë.
