Ura e Darzezës në qarkun e Fierit është kthyer në një problem serioz për banorët e zonës, të cilët rrezikojnë të bien në kanal për shkak se anësoret e saj nuk janë.
Banorët kanë treguar në një intervistë se janë ankuar disa herë, por zëri i tyre asnjëherë nuk është dëgjuar nga Bashkia e Fierit. Këta të fundit në një përgjigje për REPORT TV, kanë pretenduar se së shpejti do të ketë një ndërhyrje. Kjo pasi parmakët e urës pretendohet se janë vjedhur disa herë.
Ura që të çon në plazhin e Darëzezës tashmë është kthyer në një shqetësim për banorët e zonës dhe vizitorët. Për shkak të rrezikshmërisë dhe aksidenteve me vdekje, në zhargon njihet edhe si “Ura e Vdekjes”.
Ura njëkalimshme, me gjatësi 12 metra, nuk ka sinjalistikë, ndriçim dhe as parmakë mbrojtës.
“Këtu 99% është burim aksidenti. Janë vjedhur parmakët, një ditë i pashë duke vjedhur”. Të paktën të zgjerohet ura, të jetë me dy akse, dhe ti vendosen parmakë. Parvjet janë bërë 8 aksidente”, shprehen banorët.
Ata shtojnë se shpesh kanë qenë dëshmitarë të aksidenteve, ku makinat kanë përfunduar në kanal nga mungesa e parmakëve mbrojtës.
Kjo urë u shërben rreth 4 000 mijë banore te disa fshatrave, ndërkohë gjatë sezonit turistik numri i përdoruesve të rrugës dhe urës 3-fishohet, nga pushuesit që frekuentojnë plazhin e Darëzezës.
