Albanian
English
Italian
Detaje të reja mësohen nga operacioni antigrodë i zhvilluar dy ditë më parë në Tiranë.
Katër shqiptarët banues në Tiranë, në mesin e 10 të arrestuarve, ishin ‘kokat’ e grupit të trafikut të kokainës nga Amerika Latine, që sillej në vendin tonë për t’u përpunuar në laborator droge me qëllim shitjen në tregjet europiane.
Katërshja Geis Fejsullai, Klajd Birçe, Aldi Zonja dhe Artion Çaushllari, ishin financuesit dhe personat që organizonin të gjithë skemën e trafikut të drogës.
Kokaina përpunohej nga të huajt në laboratorin e zbuluar në Qerekë të Fushë-Krujës dhe më pas shpërndahej në dy bazat e tjera të grupit, të rezidenca e VIPA-ave Kodra e Diellit 2,s i edhe në bazën pranë Portit të Durrësit. Baza në rezidencën e VIP-ave ishte marrë me qira nga një prej anëtarëve të grupit, por grupi hetimor ende po vijon me hetimet në këtë drejtim.
Kokaina vinte në vendin tonë e fshehur në lëkurën e gjedhit, një mënyrë kjo e përdorur nga ky grup për ta kamufluar dhe për t’i shpëtuar kontrolleve me qen antidrogë për shkak të erës së rëndë të lëkurës së bagëtive.
Një prej kokave kryesore të financimit dhe organizmit të kësaj skeme ishte edhe 37-vjeçari Aldi Zonja. 37-vjeçari kishte shkuar me vizitë turistike në Amerikanë Latine, por gjatë pandemisë mbeti atje i izoluar.
Gajtë kësaj periudhe, dyshohet se Zonja krijoi lidhjet dhe kontaktet me trafikantë e drogës dhe më pas me bashkëpunëtorë të tjerë ngritën edhe skemën e trafikut të kokainës.
Ky është një ndër të pakta operacione të udhëhequra nga SPAK, përmes të cilit janë ekzkeutuar të gjitha urdhërarrestet e lëshuara nga GJKKO, duke lënë zero hapësira për dekonspirim. 10 urdhër arrestet u ekzekutuan në operacionin e 15 tetorit duke çuar në pranga 7 shqiptarë dhe 3 të huaj, 2 venezuelian dhe 1 kolumbian.
