Aktorja Eliona Pitarka ka bërë bujë në rrjetet sociale me një mesazh të ndjerë drejtuar të gjitha grave dhe nënave që e ndjekin. Në postimin e saj, e shoqëruar me një foto të ëmbël të foshnjës së saj, ajo thyen tabutë e besëtytnive dhe këshillave të vjetra që shpesh u bëhen nënave të reja me tone frike dhe ndëshkimi.
“Nuk i kam ndjekur kurrë dhe nuk do filloj tani,” shkruan ajo, teksa u bën thirrje grave që të mos e ngarkojnë me këshilla si “mos e nxirr bebin shumë” apo “mos e lër të flejë kështu”. Ajo thekson se besëtytnitë nuk kanë asnjë bazë shkencore apo logjike dhe veçse mbjellin pasiguri tek nënat që kanë nevojë për qetësi dhe dashuri.
Mesazhi i saj shfaq vendosmërinë për të rritur vajzat me zemër të lirë dhe pa frikë, ashtu siç ajo ka ndjekur instinktin e saj si nënë, që sipas saj, “nuk e ka gënjyer asnjëherë”.
“Le të flasim më shumë për butësi, qetësi, për energji të mirë”, përfundon ajo, duke u bërë zë i shumë nënave që kërkojnë të rrisin fëmijët në një mjedis më të shëndetshëm emocionalisht.
