Karriera e Thiago Silvës e vendos atë në mesin e mbrojtësve më të mëdhenj të brezit të tij, e karakterizuar nga qëndrueshmëria, koha e gjatë në nivel elitar dhe udhëheqja e fuqishme. Pas një sfide të rëndë me tuberkulozin në fillim të karrierës, ai rifitoi reputacionin e tij te Fluminense përpara se të shkëlqente te AC Milan, ku fitoi titullin e Serie A. Më vonë, Silva u bë kapiten i Paris Saint-Germain në një periudhë dominimi të jashtëzakonshëm në ligën franceze, ku gjatë tetë viteve të tij atje, ai fitoi shtatë tituj të Ligue 1, duke u bërë një nga mbrojtësit më të besueshëm në Evropë.
Ndonëse kalimi i tij te Chelsea në vitin 2020, në moshën 35-vjeçare, fillimisht shkaktoi skepticizëm, ai shpejt e shfaqi veten si një element kyç në mbrojtjen e “Blues”. Silva luajti një rol të rëndësishëm në triumfin e Chelsea në Ligën e Kampionëve në vitin 2021, duke fituar kështu kurorën evropiane që i kishte shpëtuar atij gjatë kohës së tij te PSG dhe AC Milan. Gjatë katër sezoneve në Londrën perëndimore, ai realizoi më shumë se 150 paraqitje, me admirimin e gjerë për qetësinë, inteligjencën taktike dhe udhëheqjen e tij.
Kthimi te Fluminense në vitin 2024 ishte paraqitur si një rikthim në shtëpi dhe një mbyllje simbolike e ciklit të tij. Edhe në moshën 41-vjeçare, Silva ka mbetur një figurë kryesore, duke bërë 46 paraqitje këtë sezon në të gjitha konkurrencat, duke shënuar katër gola dhe duke ofruar dy asistime. Performancat e tij kanë forcuar plotësisht reputacionin e tij si një mbrojtës pa mos u plasaritur, në gjendje të lexojë lojën dhe të udhëheqë shokët e rinj të ekipit përmes shembullit të tij. Silvia vazhdon të demonstrojë se mosha është thjesht një numër dhe pasioni i tij për futbollin është ende i fortë.
