Ryan Routh, i akuzuar për përpjekjen për të vrarë Donald Trump në një kamp golfi në Florida, nisi të përfaqësojë veten e tij në gjykatë të enjten, teksa filluan deklaratat hapëse në gjyqin e tij federal.
Ai ka deklaruar se s’është fajtor për akuzat që përfshijnë përpjekjen për vrasje të një kandidati të rëndësishëm presidencial, sulmimin e një oficeri federal dhe disa shkelje të ligjeve mbi armët.
Një panel me 12 juristë dhe katër zëvendësues u betuan të mërkurën në gjykatën federale në Fort Pierce, Florida.
Gjygjtari i Distriktit të SHBA-së, Aileen Cannon, njoftoi se Routh do të lejohet ti drejtohet jurisë dhe dëshmitarëve nga një podium, por nuk do të ketë liri të plotë brenda sallës së gjyqit.
Gjyqi fillon një vit pasi që një agjent i Shërbimit Sekret paralajmëroi për përpjekjen për të qëlluar ndaj Trumpit.
Prokurorët kanë theksuar se Routh, 59 vjeç, ka planifikuar për disa javë ekzekutimin e Trumpit, duke e goditur atë me një armë në po të njëjtën kohë kur ai luante golf në klubin e tij në West Palm Beach më 15 Shtator 2024.
Një agjent i Shërbimit Sekret e zuri Routh para se Trumpi të dilte në dukje, dhe teksa ai e kishte drejtuar armën drejt agjentit, ky i fundit hapi zjarr, duke e detyruar Routh të lëshonte armën dhe të ikte pa qëlluar.
Routh, një punëtor ndërtimi nga Karolina e Veriut që kishte jetuar së fundmi në Hawaii, e kishte shpallur veten lider mercenar dhe kishte bërë përpjekje për të rekrutuar ushtarë për të luftuar në Ukrainë, një plan që autoritetet ukrainase e kishin quajtur të pabazuar.
Në të kaluarën, Routh ishte arrestuar për veprime të tjera kriminale, duke përfshirë sjellje të dhunshme.
Për më tepër, vetëm nëntë javë para përpjekjes së dështuar të Routh, Trump kishte mbijetuar një tjetër sulm ndërsa ishte në fushatë në Pennsylvania.
Ndërkohë, gjyqi i Routh pritet të zgjasë midis dy dhe tre javë, në një moment kur policia është angazhuar për të gjetur autorin e një vrasjeje të një tjetër politikani në Utah.
