Nicolas Jover, strategu i goditjeve standarde ne stafin e Mikel Artetes, po kthehet ne nje figure kyce per suksesin e Arsenalit — jo vetem nga ana sportive, por edhe nga ana financiare. Kontrata e tij perfshin nje klauzole bonusi per golat e shenuar nga goditjet standarde.
Real Madridi e ka provuar nga afer saktesine e Arsenalit ne situata te tilla. Declan Rice shenoi dy goditje denimi spektakolare qe shuan shpresat europiane te madrileneve sezonin e kaluar. Dhe pothuajse nje vit me pas, “Topcinjte” kane vazhduar te permiresohen ne kete aspekt: vetem kete te diel, ata munden Chelsean me dy gola nga goditjet nga kendi, nje nga Saliba dhe tjetri nga Timber.
Per Jover, nje gol nga goditja standarde sjell kenaqesi sportive, por edhe perfitim financiar. Sipas The Athletic, francezi ka nje klauzole bonusi per cdo gol te shenuar nga goditjet standarde. Dhe kete sezon ai po perfiton ndjeshem, fale 16 golave te Arsenalit nga goditjet nga kendi. Dy te fundit ishin pikerisht ato kunder Chelseat.
Keto shifra e bejne Arsenalin skuadren me me shume gola nga goditjet nga kendi ne nje sezon te vetem, duke barazuar rekorde te vendosura nga Oldham Athletic (1992-93), West Bromwich Albion (2016-17) dhe vete Arsenali (2023-24). Per me teper, nente nga keto gola kane siguruar fitore 1-0 — nje arritje qe, sipas Opta, ishte barazuar me pare vetem nga Southampton ne sezonin 1994-95.
Gjithashtu, goli i Timber ndaj Chelseat ne “Emirates” shenoi heren e nente kete sezon qe Arsenali realizon golin e fitores nga nje goditje nga kendi, duke kaluar rekordin e Manchester United nga sezoni 2012-13, viti i titullit te fundit te Sir Alex Ferguson. Puna e Nicolas Jover po jep rezultat dhe ai po rezulton thelbesor ne ruajtjen e epersise se Arsenalit ne Premier League.
Kjo eshte dicka qe e dine mire brenda klubit londinez. Aq sa, kur Arteta rinovoi kontraten ne shtator 2024, krahas ndihmesit Albert Stuivenberg dhe trajnerit te portiereve Iñaki Cana, edhe Jover arriti te negocioje ne menyre te pavarur. Ai firmosi nje marreveshje me Arsenalin deri ne vitin 2027, ku parashikohet shperblim per golat nga goditjet standarde — pikerisht fusha ku ai punon me skuadren.
Jover, tashme 44 vjec, erdhi nga Manchester City ne vitin 2021 pas nje telefonate nga Arteta. “Ne rolin e tij, ne role te tjera dhe si person… edhe marredhenia qe kemi, kjo eshte arsyeja pse mora vendimin ta sillja fillimisht te City kur isha atje dhe me pas te Arsenali,” ka shpjeguar Arteta. Dhe jo pa arsye: strategjia e kolegut te tij e ka kthyer Arsenalin ne skuadren me efikase ne Premier League ne situata te tilla.
Kur skuadra nuk gjen zgjidhje ne loje te hapur, aty hyn ne pune aftesia e Jover. “Nuk kishim shenuar nga goditjet standarde per disa jave, por kishim shenuar shume nga loja e hapur. Sot, te shenonim nga nje situate e tille ishte nje opsion; e beme shume mire, por edhe pesuam,” u shpreh Arteta pas ndeshjes me Chelsean. Golat e William Saliba dhe Jurrien Timber siguruan nje fitore ne nje perballje te veshtire te Premier League.
Madje, kapiteni i Chelseat, Reece James, shprehu hapur zhgenjimin e tij: “Ky eshte futbolli ne 2026, ndoshta 90% e golave do te vijne nga goditjet standarde. Ata jane nder me te miret ne bote ne kete aspekt. Jane te veshtire per t’u ndalur dhe shenuan dy here sot. Jam i zhgenjyer. Ne shenuam nje, patem nje tjeter rast, por sot nuk ishte dita jone.”
Goditjet standarde pritet te mbeten vendimtare per Arsenalin, nese nuk duan qe Manchester City, aktualisht i dyti ne renditje, t’i afrohet. Brighton dhe Everton, si dhe Bayer Leverkusen ne Champions League, jane sfidat e ardhshme ku kjo arme mund te beje serish diferencen.
