Ish-kryeministri i Italisë, Matteo Renzi ka festuar mbrëmjen e djeshme 50-vjetorin e tij të lindjes. Renzi e festoi 50-vjetorin e tij në një festë me 2000 persona mes tyre anëtarë partie, mbështetës dhe miq. Renzi ngjit në skenën e teatrit “Cartiere Carrara” në Firence duke kërcyer nën melodinë e “Forever Young” të luajtur nga saksofonisti turk, Fuat Sunay. Në festë ishin të pranishëm edhe babai i tij Tiziano, tre fëmijët e tij Ester, Francesco dhe Emanuele dhe gruaja e tij Agnese. Renzi gjatë fjalës së tij falenderoi gruan ndërsa theksoi se nga këto 50 vjet, tridhjetë i kanë jetuar së bashku. Ish-kryeministri festoi gjysmë shekulli në një version casual me një këmishë me vija bardh e kaltër, mëngët të përveshura, pa kravatë dhe pantallona të bardha. Duke përshkruar jetën e ti ai nuk harroi të përmende edhe kryeministren e vendit, Georgia Meloni. Renzi edhe për ditëlindje nuk iu nda asaj ndërsa përmendi edhe kampin e emigrantëve në Shqipëri. Ai theksoi se Meloni ndërtoi një lukuni në Shqipëri.
Pas drekës së shtruar nga Travaglio, festa u zhvendos në Viareggio me të ftuarit më të afërt. Aty ishin, stilisti Toni Scervino, presidenti i hotelierëve Bernabò Bocca, Augusto Minzolini. Francesca Campana Comparini pa burrin e saj Marco Carrai, drejtorin sportiv të Fiorentina Daniele Pradè, Raffaella Paita, Silvia Fregolent, Francesco Bonifazi, ish-senatorin Andrea Marcucci. Dhe të gjithë ish-ministrat e qeverisë së tij, duke filluar nga Maria Elena Boschi, dhe më pas Angelino Alfano, Giuliano Poletti, Roberta Pinotti, Dario Franceschini, Marianna Madia, Andrea Orlando, gjithashtu Luca Lotti dhe Pierferdinando Casini. Teresa Bellanova mungoi për shkak të gripit.Ndër dhuratat e zbërthyera nga lideri i Italia Viva, ai rendit Corriere della Sera, një prerës manual i kuq Berkel dhe disa nga proshutat më të mira Parma për t’u testuar menjëherë. Por edhe një bluzë e zezë me shkrimin: Koha është një zotëri dhe data e shpalljes së pafajësisë në gjyqin e hapur dhe një album fotografik, nga fëmijëria e deri më sot.
