Zybejte Uruçi 67 vjeç ka rënë në pranga te policisë e dyshuar si autore e disa vjedhjeve të kryera në seri në Memaliaj të Tepelenës dhe në Përmet përgjatë muajve maj-shtator.
Në kërkim është shpallur djali i saj Lodian Uruçi 36 vjeç, bashkëpunëtor në grabitjet. Zybejte dhe djali i saj Lodian Uruçi, të dy banues në Blesh, kryesisht grabisnin shtëpi, lokale dhe objekte kulti.
04.05.2025, fshati Vasjar, Memaliaj – në banesën e shtetasit P. Ll., kanë vjedhur bizhuteri floriri dhe një shumë parash;
10.07.2025, fshati Krahës – në një objekt kulti, kanë vjedhur një shumë parash;
07.08.2025, fshati Sukë, Përmet – në një objekt kulti, kanë vjedhur një shumë parash;
23.08.2025, fshati Petran, Përmet – në lokalin e shtetasit A. L., kanë vjedhur një shumë parash;
04.09.2025, Memaliaj – në një objekt kulti dhe në një lokal, kanë vjedhur një shumë parash.
Në cilësinë e provës materiale u sekuestruan 1 automjet, 1 celular dhe sendet që përdornin për të kryer vjedhjet (levë dhe kaçavidë).
