Protagonistët e një sezoni nën pritshmëri, Juventus dhe Milan e shohin përkatësisht kualifikimin në Champions League dhe Kupën e Italisë si shpresën e vetme për ta bërë më pak të hidhur sezonin 2024/25.
Të dy klubet, duke përjashtuar çdo kthesë të bujshme, do të ndryshojnë sërish trajnerë në korrik, por tema e stolit sigurisht nuk është e vetmja temë e nxehtë përpara sezonit të ardhshëm.
Ditët e fundit disa zëra nga Anglia kanë konfirmuar një interesim nga Inter-i dhe Milan-i për Andrey Santos, i cili sipas informacioneve që disponon Calciomercato.it, është shumë i pëlqyer edhe nga Juventusi, Napoli dhe Roma.
Përveç skuadrave italiane, mesfushorit të Strasburgut i kanë vënë syrin edhe Atletico Madrid, Bayern Munich, Monaco dhe PSG, por skuadra më e interesuar për momentin është ajo që zotëron kartonin e tij: Chelsea.
Në dritën e sezonit të shkëlqyer që ka luajtur në Francë (10 gola dhe 3 asiste në 27 ndeshje), blutë synojnë ta mbajnë në skuadër 20-vjeçarin pas rikthimit të tij nga huazimi dhe transferimi i tij aktualisht konsiderohet plan B, madje edhe nga përfaqësuesit e djalit.
Nëse lojtari do të përfundonte në merakto, çmimi fillestar do të ishte 35-40 milionë.
Një shifër pesë herë më e madhe se 7 milionët e disa viteve më parë, kur Andrey Santos u ofrua dhe u refuzua nga praktikisht të gjitha klubet e mëdha italiane, të cilët tani rrezikojnë të paguajnë shtrenjtë mungesën e largpamësisë për 20-vjeçarin.
