Pas një ndërprerjeje prej 10 ditësh, News24 është rikthyer sërish në transmetim këtë të hënë.
Disa ditë pasi kompania KAYO e drejtuar nga Ardi Veliu, së bashku me përmbarimin dhe Policinë e Shtetit, të shtunën e 9 gushtit bllokuan dy godinat ku Focus Media Group ushtronte aktivitetin. Gazetarët dhe punonjësit u nxorën jashtë ambienteve, ndërsa në orën 7:36, sinjali i News24 u ndërpre nga transmetimi.
Ky veprim solli reagime të shumta, teksa gazetarët mbajtën edhe një protestë para godinave, tashmë të ‘uzurpuara’ nga ushtria e KAYO, të cilat bënë edhe boshatisjen e godinës.
Po ashtu edhe pse Gjykata e Tiranës i ktheu godinën Focus Media Group, por gazetarët nuk u lejuan nga ushtria që të futeshin në zyra.
Duket se News24 ka gjetur një tjetër ambient, ku ka nisur edhe transmetimin që në orët e para të mëngjesit të sotëm.
Tashmë i vetmi problem i gazetarëve të këtij televizioni janë pagat e vonuara që nuk i kanë marrë prej disa kohësh.
