René Nicole MacLean Good, 37-vjeçare dhe nënë e tre fëmijëve, u qëllua për vdekje nga një agjent i Policisë së Emigracionit (ICE) të mërkurën në Mineapolis. Good ishte shtetase amerikane, pa akuza penale, dhe në rrjetet sociale përshkruhej si “poete, shkrimtare, bashkëshorte dhe nënë”. Në postimet e saj të fundit, tregonte interes për Mineapolisin dhe kishte emoji të flamurit ylber në Instagram.
Ish-bashkëshorti i saj tha se Good sapo kishte lënë djalin e tyre 6-vjeçar në shkollë dhe po kthehej në shtëpi bashkë me partnerin aktual kur u përball me agjentët e ICE. Video të publikuara tregojnë agjentin që i afrohet makinës dhe një tjetër që qëllon disa herë nga afër kur automjeti lëviz.
Zyrtarët e administratës Trump e përshkruan Good si të rrezikshme, duke pretenduar se tentoi të përplaste automjetin me policinë. Ish-bashkëshorti tha se ajo nuk kishte marrë pjesë kurrë në protesta dhe ishte një e krishterë e përkushtuar. Good kishte studiuar shkrim krijues dhe drejtonte një podcast me ish-bashkëshortin e saj të dytë, i cili vdiq në 2023. Ajo kishte dy fëmijë nga martesa e parë dhe një djalë nga martesa e dytë.
Nëna e saj tha se René ishte një njeri jashtëzakonisht i dhembshur dhe i dashur, që kujdesej për të tjerët gjatë gjithë jetës së saj.
