Një 40-vjeçar shqiptar është arrestuar në periferi të Primavalles, Romë, pasi shiste drogë nga shtëpia e tij, ndërkohë që ishte nën arrest shtëpiak.
Sipas mediave italiane ai e kishte kthyer banesën në një qendër shpërndarjeje, duke pritur klientë nga një derë emergjence dhe duke përdorur “roje” për të monitoruar hyrjet dhe daljet.
Gjatë bastisjes, u sekuestruan mbi 1 kg kokainë dhe ketaminë, të ndara në doza për shitje me pakicë. Në shtëpi u gjetën gjithashtu dy telefona celularë të koduar, një regjistër manual me emra të koduar dhe transaksione, si dhe 5,000 euro cash. Ai përdorte gjithashtu pajisje për paketimin e drogës, duke përfshirë peshore precize dhe qese me nxehtësi.
Trafikanti u arrestua për posedim dhe shpërndarje të narkotikëve, si dhe për shkelje të masave kufizuese. Pas procedurave ligjore, ai u dërgua në burgun Regina Coeli të Romës.
