Asnjë justifikim nuk mjafton. Spiunimi i mesazheve në WhatsApp, qoftë nga kureshtja, dyshimi për tradhti, apo gjatë një divorci, është i ndaluar me ligj.
Sipas një vendimi të prerë të Gjykatës së Kasacionit në Itali, kushdo që hyn pa leje në celularin apo llogaritë e partnerit, kryen një krim: “akses i paautorizuar në një sistem informatik”. Dënimi mund të arrijë deri në 10 vjet burg.
Rasti konkret kishte të bënte me një burrë që, gjatë procesit të ndarjes, kishte nxjerrë mesazhe nga celulari i ish-bashkëshortes pa pëlqimin e saj. Pas vendimit të Gjykatës së Apelit të Messinës, burri apeloi në Kasacion, por edhe atje u rrëzua. Vendimi tashmë është përfundimtar.
Kujdes: edhe nëse ndiheni të tradhtuar, ligji nuk ju lejon të hyni në telefonin e dikujt tjetër pa leje. Veprimi konsiderohet shkelje serioze dhe mund të sjellë pasoja të rënda penale.
